لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى
لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس
لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا
لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى
لو حكيتى ل بابا على واحد عاكسك .. ها يقولك معلش .. وبعدين عنده حق . مانتىجميله
انما جوزك .. ها يقولك انتى اللى ماشيه مش محترمه
لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره
باباكى لو لاحظ انك متخانقه مع اختك .. ها يصالحكوا على بعض
لكن جوك هيقولك خليهم يولعوا دول عيله عجب
مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملىبقى
حاجة كمان بقى...بس دى من عندى....باباك مش انتى اللى اختارتيه....جوزك انتى اللى جبتى الهم لنفسك واختارتيه...
استحملوا بقى يا بنات...
موضوع: الفرق بين باباكي وجوزك 
الأربعاء فبراير 27, 2008 3:09 pm
